Home / سرائیکی / ساڈے گھر دے نال ڈنبھاروں  ہک شودے مزدور دا گھر ہا | شفقت عابد

ساڈے گھر دے نال ڈنبھاروں  ہک شودے مزدور دا گھر ہا | شفقت عابد

ساڈے گھر دے نال ڈنبھاروں

ہِک شودے مزدور دا گھر ہا
بے کس تے مجبور دا گھر ہا
لتھے کپڑے پاونڑ والا
تازی کرکے کھاونڑ والا 
اوندے گھر وچ ہک ڈینہہ رحمت
خالق پاک دی ایں وس پئی اے
اوندے گھر وچ دھی جم پئی اے
دھی کوں ڈیکھ کے خوش بہوں تھیا.
ول ول دھی کوں چمدا ریہا
آخر وقت گزردا گیا
روز اے گال سچیندا ریہا
جئیں ڈینہہ میں اے دھی پرنیساں
اے شئے ڈیساں او شئے ڈیساں
اے اے شئے جے میں کن ھوئی نہ
دھی دا رشتہ گھنسی کوئی نہ
اے وی سوچ دماغ کوں کھاوے
اتنا ڈاج میں کتھوں ڈیساں
ایہو سوچ کے آخر شودا
ٹکا ٹکا آنا آنا
گولک دیوچ رکھدا آیا

ٹکا ٹکا رکھدیں رکھدیں
آخر سال گزردے گئے ھن
جئیں ڈینہہ اونکوں پک آ تھئے جو
اتنے پیسے تھی گئے ھن کہ
ہُنڑ میں دھی پرنا سنگدا ھاں
اپنڑاں فرض نبھا سنگدا ھاں
خوش تھی کے ول دھی کوں سڈوس
دھی دے سر تے بوسہ ڈتوس
جسدم سر تے بوسہ ڈتوس
بڑی حسرت نال
باک بھری سی ڈیکھ کے یکدم
اپنڑیاں اکھیں نال
دھی دے چٹے وال

Check Also

بھوئیں تے پالے نہ پا سِیانی تھی,,

بھوئیں تے پالے نہ پا سِیانی تھی ۔۔۔ کُجھ تاں گالھی بَلا سِیانی تھی۔۔۔۔۔ بال …