Home / سرائیکی شاعری / جمشید ناشاد / اے چندر تے تارے رستے ہن بہوں سوہنڑی غزل سئیں جمشید ناشاد

اے چندر تے تارے رستے ہن بہوں سوہنڑی غزل سئیں جمشید ناشاد

اے چندر تے تارے رستے ہن
سمجهیں تاں اشارے رستے ہن

قرآن انسان دا رہبر ہے
قرآن دے پارے رستے ہن

اکھ نوٹ کے نہ ٹررستے تے
بہوں اوجهڑمارے رستے ہن

کڈی اپڑیں بارے سوچ تاں سہی
تیڈی سوچ دے دهارے رستے ہن

اے دریا، نہراں ، دشت جبل
اے منظر سارے رستے ہن

ان ڈیکھ خدا دی وستی دے
بہوں پیارے پیارے رستے ہن

بوبکر، عمر ، عثمان ، علی
ناشاد اے چارے رستے ہن

جمشیدناشاد

Check Also

بھوئیں تے پالے نہ پا سِیانی تھی,,

بھوئیں تے پالے نہ پا سِیانی تھی ۔۔۔ کُجھ تاں گالھی بَلا سِیانی تھی۔۔۔۔۔ بال …