Home / سرائیکی شاعری / جمشید ناشاد / اکھ نوٹ تاں محض اندهارے ہن | سوہنڑی غزل سئیں جمشید ناشاد

اکھ نوٹ تاں محض اندهارے ہن | سوہنڑی غزل سئیں جمشید ناشاد

اکھ نوٹ تاں محض اندهارے ہن
اکھ بهال تاں کتنے تارے ہن

تیڈا ہجر عجیب سمندر ہے
ہنج موج ء خواب کنارے ہن

اسمان دا بار وی چاونڑیں میں؟
اسمان دے بار تاں بارے ہن

انڑپهر مجبور غریبین دے
نت سوجهل خواب سہارے ہن

او ڈیوا ڈینہہ تئیں کیا بلنڑیں
جیکوں کفتاں نال کنبارے ہن

اے رنگلا ڈیس……پرایا ہے
اے ساہ دے ویس ادهارے ہن

ناشاد خزاں دی آمد……..ہے
اے پیلے پتر اشارے………ہن

جمشیدناشاد

Check Also

بھوئیں تے پالے نہ پا سِیانی تھی,,

بھوئیں تے پالے نہ پا سِیانی تھی ۔۔۔ کُجھ تاں گالھی بَلا سِیانی تھی۔۔۔۔۔ بال …