Home / سرائیکی شاعری / زمـانے دے خــداویں تـوں بـغـاوت کـــر جو ٻیٹھے ہیں سوہنڑی سرائیکی غزل

زمـانے دے خــداویں تـوں بـغـاوت کـــر جو ٻیٹھے ہیں سوہنڑی سرائیکی غزل

زمـانے دے خــداویں تـوں بـغـاوت کـــر جو ٻیٹھے ہیں
ســـاکوں رڄ کے سزائیں ݙے محبت کــر جو ٻیٹھے ہیں

ہجر دی پل صـراط اتوں لنگـھا ساکوں توں سر بھرنڑیں
اساں اپݨــیں ہـتھــیں اپݨـــی قـــیامت کــــر جو ٻیٹھے

انہاں پلـکـیں دے پـردے وچ سمــندر سـُـک نہیں سڳدا
اســــاں ݙینہ رات رووݨ دی ریاضـت کر جو ٻیٹھے ہیں

پے بھـنورے پیر چـمدے ہن تے تتـلیاں ہن طواف اندر
قــسم رب دی ہنڑیں اونـدی زیـارت کر جو ٻیٹھے ہیں

ســاݙی ہستی کوں پستی دی اخــیری حـد تاݨی رول آ
تیݙے قدمیں اساں خود کوں عنایت کر جو ٻیٹھے ہیں

کــٹیسے ســر ســـاݙا اول تاں گــھولـیا چــا کــٹن تائب
اســاں مــظلوم لوگــیں دی امـــامت کر جو ٻیٹھے ہیں

رفیق تائب

Check Also

بھوئیں تے پالے نہ پا سِیانی تھی,,

بھوئیں تے پالے نہ پا سِیانی تھی ۔۔۔ کُجھ تاں گالھی بَلا سِیانی تھی۔۔۔۔۔ بال …