Home / سرائیکی شاعری / جمشید ناشاد / اے جیڑھا ظلم ہے قیامت ہے | بہوں سوہنڑی غزل سئیں جمشید ناشاد

اے جیڑھا ظلم ہے قیامت ہے | بہوں سوہنڑی غزل سئیں جمشید ناشاد

اے جیرھا ظلم ہے، قیامت ہے
اوں قیامت دی اے علامت ہے

کیجھیں نگری ہے، کون راجہ ہے
دھی سلامت، نہ ماء سلامت ہے

وت پرانڑی او رسم چل پئ ہے
جیرھا سر چیسی اوندی شامت ہے

ہر کئ دردیں دیاں مثلاں چئ بیٹھے
کئ عدالت نہ کئ نظامت ہے

کتنا پیارا ہا نام زندگی دا
ہنڑتاں زندگی فقط ملامت ہے

 

قوم دی بیٹی جیندا ناں لکھدیں میڈے ہتھ کنبدن کیونکہ میڈی اپڑی بیٹی دا ناں وی”زینب” ہے……..دے ناویں

جمشیدناشاد‎

Check Also

بھوئیں تے پالے نہ پا سِیانی تھی,,

بھوئیں تے پالے نہ پا سِیانی تھی ۔۔۔ کُجھ تاں گالھی بَلا سِیانی تھی۔۔۔۔۔ بال …