Home / سرائیکی شاعری / جمشید ناشاد / ہتهیں تے چاکے گهن ونجے یاپیریں پاکے گهن ونجے | جمشید ناشاد

ہتهیں تے چاکے گهن ونجے یاپیریں پاکے گهن ونجے | جمشید ناشاد

ہتهیں تے چاکے گهن ونجے یاپیریں پاکے گهن ونجے
اساں تاں ککه ہسے ہوا جتهاں اڈا کے گهن ونجے

کلهیں کلهیں کئ منزلیں تے پہنچنڑا کمال نئیں
کمال ہے جہان کوں جیرها رلاکے گهن ونجے

ایں بےحیائی دے دور وچ او شخص خوش نصیب ہے
خود اپڑیں آپ کوں جیرهابچابچا کے گهن ونجے

فقیر خالی کاسے کوں اچهل اچهل کرئیں آکهئے
کئ تیکوں چا کے گهن ونجے یا میکوں چاکےگهن ونجے

کڈاہیں چندر توں یارو …..اواز آوے ہے ایہا
جیندا وی چندر دور ہے میکوں لہاکےگهن ونجے

کهمبیں کهتهی چکوری دی ایں خواہش تےحیران ہاں
میں چندرتے نراض ہاں میکوں منا کے گهن ونجے

اوکوں آکهو میں ظلم دی ہوا دے وچ وی ٹمکساں
میں چهیکڑی چراغ ہاں میکوں جلا کے گهن ونجے

میں زندگی دے ڈرکنوں کتهئیں پریں نکل گیاں
توں مر گئیں کئ میکوں ایہو ڈساکے گهن ونجے

میڈے وانگوں ڈکهیں کنوں بهری هوئی ہے روح میڈی
اجل کوں آکهو عرش تے ایکوں لکا کے گهن ونجے

جمشیدناشاد

Check Also

image for jamshid nashad

اے چندر تے تارے رستے ہن بہوں سوہنڑی غزل سئیں جمشید ناشاد

اے چندر تے تارے رستے ہن سمجهیں تاں اشارے رستے ہن قرآن انسان دا رہبر …