Home / سرائیکی / نہ وسیب بُھلدے نہ وسیب واسیں دے ڈُکھ بھلدن

نہ وسیب بُھلدے نہ وسیب واسیں دے ڈُکھ بھلدن

نہ وسیب بُھلدے نہ وسیب واسیں دے ڈُکھ بھلدن

نہ وسیب بُھلدے نہ وسیب واسیں دے ڈُکھ بھلدن
نہ وسیب بُھلدے نہ وسیب واسیں دے ڈُکھ بھلدن

شعور دی سیڑھی تیں حالی پہلا قدم نیں رکھیج آیا سُنج تھیاں جھوکاں اُجڑیے ہنباہ رُلدا مال بکھے بال مونھ تیں غربت دے چھنب ہتھیں دے چھالیں قسمت دے لکریں کو مٹا ڈتے،

پکھی واس ،ونگو وانڑیں وانگوں گزردی بے سُنجاتی حیاتی ہر وسیب واسی دے لیکھ ءچ لکھی گئ ھے،قوم پرست جنھیں کوں ڈکھ درد تھیوے ھا انھیں دی آپس دی چخ چخ وسیب واسیں دی صدیاں توں نُوٹی اکھ ،مطلبی مردہ خور ،لکڑ بھگڑ قسم دے سردار و رہنما،واہ واہ ،خود نمائ ،خود غرض قسم دے ادیب و دانشور،لالچی لُوسی شاعر، غلامی دا سُرمہ اکھیں ءچ پاء کے سُجاکے اندھے وڈ وڈیرے ،پڑھیے لکھ کے ڈگریاں گھن کے کہیں چوھدری ٹائپ باس دے چپڑاسی،


اکتہر سال دے بعد ایں نتیجے تیں پہنچن صوبہ جنوبی پنجاب گھنڑے ،اگر بغیر شناخت دے صوبہ گھنڑے پچھیں پنجاب کوں ترورنڑ دا فائدہ انھائیں لوکیں کوں تھیسی جیرھے پہلے کنیں ایں وسیب کوں دیھ بنڑ کے چنبڑیے پئین،
جنوبی پنجاب دی ڈُگڈی وجاونڑ آلے شکریہ عمران خان شکریہ بزدار دا ورد کرنڑ آلا جاہل یا موقع پرست طبقہ اے بُھل ویندے کہ ساکوں بغیر شناخت دے پنجابی سمجھ کے ماریا ویندے بلوچستان ءچ پنجابی سمجھ کے نام نھاد واہیات چند درندہ نسل بلوچیں دے ہتھوں شھید تھیونڑ آلے مزدوریں دا خون ساڈے اتیں قرض ھے ،


میڈی روھی تیں تس مسلط کیتی گئ ،میڈے تھل ءچ ریت دا راج ،میڈے دامان تیں کال کُریھ ،صدیاں دی محرومی دا بدلہ جنوبی پنجاب ملنڑے تاں بلکل نہ ملے ،اگر ساڈا کلچر ساڈے رسم و رواج پنجاب تیں پنجاب واسیں وانگوں ھے تاں ست بسم اللہ ،،


میں تاں اکثر اے آھدا راھنداں پنجابیں بھرانویں نال ساڈا حُقہ نیں رلدا کلچر تیں لہجہ کیویں رلدے


میں صدیاں توں سرائیکی ھاں میڈی سُنجانڑ سرائیکی ھے
میں تاں اڈھائیں دا سرائیکی ھاں جڈاں محمد بن قاسم میڈے وسیب ءچ آیا ھا میں اوں ڈینھ وی شینھ دے مونھ ءچ ہم اج وی درندیں دے مونھ ءچ ھاں‏ ،،،،،،

قلم میڈا جے کر تحریر وچ تصویر نئیں ڈیندا

میڈا لکھنڑ اجایا گیا تیڈا پڑھنڑ اجایا گیا

Check Also

،،،، حیران کر ڈیونڑ آلیاں گالھیں،،،،،

،،،، حیران کر ڈیونڑ آلیاں گالھیں،،،،،

،،،، حیران کر ڈیونڑ آلیاں گالھیں،،،،،   1 مکوڑے تیں مکھی کوں شیشے دی بوتل …