Home / سرائیکی شاعری / کل اچانک سرِ راہ پنڑی ملی

کل اچانک سرِ راہ پنڑی ملی

نظم ” پنڑی”کل اچانک سرِ راہ پنڑی ملی

 

کل اچانک سرِ راہ پنڑی ملی
کل اچانک سرِ راہ پنڑی ملی

کل اچانک سرِ راہ پنڑی ملی …۔

چن دے وانگے چمکدی ہوئی تصویر ہئی

نپ کے دامن الا نڑی ھے کُجھ ڈے کے وَنج .

ڈھیر ساری نظردی او دلگیر ہئی ؟

رکھ چَوانی تلی تیں سوالی تھیاں!

میڈا مالک کیوں کیتی اے تعمیر ہئی

اِیندا بوتا بنڑیندیں ونجا چھوڑیں ھا

دربدر جے رولنڑی ایندی تقدیر ہئی

میڈی بُوتھی تیں ہتھ ڈے کے آکُھس ولا.

میڈے مالک دے بارے نہ اِینو یں الا

اوندی حکمت ھے بالا تیڈی سوچ تُوں .

اوندی قُدرت تیں ناجائز تُہمت نہ لا

غرض کُولُوں بُری ھور کوئی چیز نئیں

غرض شیریں دے گاٹے بَھنا ڈیندی ھے

غرض مجنوں جھئیں شَاھیں کوں ڈے کے چکر

پیر کُتیاں دے اَکثر چُما ڈیندی ھے

غرض صرفہ رکھیندی نئیں کہیں دا

او جیڑھی چاھے اُوھا کر ڈکھا ڈیندی ھے

غرض غیرت دے سَرکش غیُوریں دی

دھَج دُھوڑ دُددِنڑے دے اندر ملا ڈیندی ھے

غرض پوے ناں کہیں کوں کڈاہیں کہیں  ڈی تونڑیں

غرص اوکھی وبَا ھے زمانے اُتیں

غرض دشمن ھے عزت و ناموس دی

غرض بُری بَلا ھے زمانے اُتیں

عشق سُونھاں نہ ھا جیرھے ویلھے میڈا

کیا میں ھامی اے دؤر و دَھر جانڑدے

لاتکائی دے ویڑھے دی ملکہ ھامی

شان میڈی اے سارا شھر جانڑدے

نازنخرے ہمیشہ دے ہَن ھمسفر

حُسن کتنا ھامی ا ے قمر جانڑ دے

ویس میلا کڈا ھیں وی پاتا نہ ھَمی

عیش راحت دا گزریا پَہر جانڑ دے

بے وفا دِلربا چھوڑ کے ٹر گیا

سُول حاوی تھیا ڈکھ مریندے وَدِن

پاک چاہت دے جذبے بنا دُوش دے

غیرقاتل دے قدمیں دَپِھیندے وَدِن

اے پِنڑ بہانہ ھے سنئیں گول دا

کہیں بہانیں اُو دِلدارمِل پُوے ھا

بَھر گلتھَا لَھاواں ھا میں اپنڑی سِک

ڈیکھ میڈو او سونہڑاں وی کِھل پوے ھا

کیرھی گالھُوں رُٹھا ہئیں ڈسَا تاں سھی

گال پُچھنڑ دا موقع نِکل پُوے ھا

کیویں غیریں اُڈارِن ھوائیں چا

ڈھول گزری وھانڑی سَوِل پوے ھا

کوڑ سچ دا نتارا کرن دے کیتے روپ

کئی کئی وٹیندِن میڈا دوستا پ

یار منہ داگھراں نئیں سمجھ گال کوں

یار اوکھے مَنِیندِن میڈ ا دوستا

یاد یاد ہے جڈاں تئیں اُوں پُرناز دِی

نَین بَھالیں دیاں بھَالاں بھَلیسِن وَدے

میڈے جذبات فُرقت دی زندان وِچ

بے گنُاھی دیاں قیداں کٹیسِن ودے

آپ اپڑی امنگیں دے جلاد تھی

دشت حسرت دا سینہ رنگیسِن ود ے

شوق جانِ تمناں دی خاطر سدا

ذوق سُولی تے خود کوں ٹنگیسِن ودے

میڈے ساقی جڈاں واگ پھیری میڈو

اِینویں رُلساں آواری ناں بازار وچ

سِرتیں سایہ جو ہُوسی اوں لجپال دا

مَست رھسَاں ہمیشہ میں گھر بار و چ

Check Also

بھوئیں تے پالے نہ پا سِیانی تھی,,

بھوئیں تے پالے نہ پا سِیانی تھی ۔۔۔ کُجھ تاں گالھی بَلا سِیانی تھی۔۔۔۔۔ بال …