Home / اسد اشلوکــــ / ٹھیک اے جھیڑے وی تھیندن محبت دے وچ

ٹھیک اے جھیڑے وی تھیندن محبت دے وچ

اَنت

ٹھیک اے جھیڑے وی تھیندن محبت دے وچ

پر ایویں کہیں دی من کیں جُِھڑینداں وی نئ

ہکو ہمراز ہونداۓایں سانگھے دے وچ

ہر رہ ویندے کوں سنگ رولیندا تاں نئ

پیار ڈوہیں پاسوں ہووے تاں ٹھیک اے سنجڑ

یک طرفہ اے سانگھا جوڑیندا تاں نئ

ہووے عتبار ہک بۓ تین ہکو جہیاں

ساری زندگی اے سانگھا ونجیندا تاں نئ

میڈی ہر مور تین ایہا کوشش رہی اے

جیوٰن نبھدی آوے بس نبھیندے جلوں

ہکا منزل جو ہے ہکے رہ تیں ٹرون

آ ہک بۓ دے ڈُکھ وڈیندے جلوں

شک شروع تھی گیا ڈویہں طرفوں جڈاں

منہ ہک بۓ دا ڈیکھنڑ کوں لُہسوں ڈوہیں

جگ تیں بنڑسوں ڈوہیں جگ ہسائ اساں

کیندا کے ونجڑے ڈس رُس جو پووں ڈوہیں

منہ ڈیکھاونڑ دے قابل وی  رہسوں نہ سائیں

پہلی بنیاد جھیڑے دی شک ہے سنجڑ

شک مکاونڑ دی کر نئیں تاں روسوں ڈوہیں

پھوکا دُکھدی کو ہر کوئ ہے ڈٰیندا سنجڑ

جڈاں بھڑکے تاں کوئ وی ببجھیندا نِوی

ہر بشر ہمسفر اپنڑٰی منزل تائیں  ہے

توڑ کہیں کوں کڈاہیں کوئ پوچیندا تاں نئ

بھاہ وچھوڑے دی بھڑکی ڈوہیں سڑ ویسوں

گالھ تاں ہے جو دُوکھنڑ توں پہلے بُجھا

رل کیں رہونڑ دا جیکر ارادہ ہوی

دوریاں دی پہلے توں اے دیوار ڈھا

میں تاں ہر راہ ہے تیکوں ڈکھایا سنجڑ

اگوں مرضی ہے تیڈی توں جِھیڑی ڈسا

سانگھا ٹرسی نئیں اے ہے پِچھیں دی گل

پہلے ڈیکھاں توں وچوں شک تاں مِٹآ

ہتھ بدھ کیں اہدا رُسایا نہ کر

متاں کہیں ڈیہنہ ایں روسے تیں چن پک ونجوں

رہندے کافی سفر ایں محبت دا چن

متاں منزل توں پہلے ڈوہیں تھک ونجوں

گالھ ہووے نہ ہووے ہے جھیڑا تیڈا

میڈے بارے توں بالکل سوچیندا وی نئیں

گالھ اپڑیں منیندائیں توں ہر موڑ تیں

گالھ میڈی کڈاہیں توں منیداں وی نئ

چِٹ چھڑھ کیں نئ اپڑاں بڑیندا میکوں

سانگھا میں نال بلکل مکیندا وی نئ

اپنڑیں بارے میں سب کچھ ڈسیندا ہامی

اپڑیں بارے توں میکوں ڈسیندا وی نئ

اج توں جھیڑی کریسیں بس اوہا ہٓوسی

نِت ڈے جھیڑے مناونڑ توں تھکا پیا

یا تھی میڈا یا میں نال سنگھا مُکا

نت منا ونڑ توں اسدؔ تھکا پیا

اسدؔاشلوک

(چھیکڑی ڈیوا)

 

Check Also

بھوئیں تے پالے نہ پا سِیانی تھی,,

بھوئیں تے پالے نہ پا سِیانی تھی ۔۔۔ کُجھ تاں گالھی بَلا سِیانی تھی۔۔۔۔۔ بال …