Home / سرائیکی شاعری /  کڈاہیں واقفیت ، کوئ تعلق رہ گیا ہوسی

 کڈاہیں واقفیت ، کوئ تعلق رہ گیا ہوسی

 کڈاہیں واقفیت ، کوئ تعلق رہ گیا ہوسی

جیکر مجبور بیٹھا ہے تاں رِسماً بہہ گیا ہوسی

شکایت جے کریندا،پہنچ ویندی، پہلی فرصت وچ

سَنیہا صاف ستھرا ہا،دماغوں لہہ گیا ہوسی

کئ پابندیاں ہوسن جو اج غُستان ویندا پۓ

اُوں مَر کُھٹڑے دے نان ولا تاں پتھر ڈھہہ گیا ہوسی

پیغمبر ہے نہ مجنوں ہے نہ کئ فرہاد دا ڈھو ہِس

سِتم دی سنگباری ،انتقاماً بہہ گیا ہوسی

پُراںڑے یار وَت وی آۓ دا آدر رکھیندے ہن

مہانگے دور دا سنگتی جو ہا بس چھہہ گیا ہوسی

بَھلا بے وارثے شفقت دے کیتے کون روندا ہا

اویں کہیں دی اکھ توں گرم پانڑی ڈھہہ گیا ہوسی

 

سائیں شفقت بزدار

Check Also

بھوئیں تے پالے نہ پا سِیانی تھی,,

بھوئیں تے پالے نہ پا سِیانی تھی ۔۔۔ کُجھ تاں گالھی بَلا سِیانی تھی۔۔۔۔۔ بال …